தனது 7 வயது மகனை சித்ரவதை செய்து, கொடுமைப்படுத்தி வந்ததாக குற்றஞ்சட்டப்பட்ட 27 வயது மாதுவிற்கும், அவருடன் ஒரே வீட்டில் தங்கியிருந்த 30 வயது திருநம்பிக்கும் ஜோகூர்பாரு செஷன்ஸ் நீதிமன்றம் இன்று விதிக்கவிருந்த தண்டனையை ஒத்திவைத்துள்ளது.
இவ்வழக்கை விசாரணை செய்த நீதிபதி விஎம் மாபெல் ஷீலா, மருத்துவ விடுப்பில் இருப்பதாக நீதிமன்ற உதவியாளர் தெரிவித்ததைத் தொடர்ந்து தீர்ப்பு வரும் நவம்பர் முதல் தேதிக்கு ஒத்திவைக்கப்பட்டுள்ளதாக சிறுவனின் தாயார் அஷிகின் முஹமாட் சாஹிர் மற்றும் ஒரு திருநம்பியான சிங்கப்பூரைச் சேர்ந்த 30 வயது அவின் சுவா ஆகியோர் சார்பில் ஆஜரான வழக்கறிஞர் அப்துல் ரஹிம் அலி தெரிவித்தார்.
தீர்ப்பு அளிக்கப்படும் வரையில் அந்த மாதுவும் , அவருடன் தொடர்பில் இருந்த திருநம்பியும் சிம்பாங் ரெங்கம் சிறைச்சாலை வைக்கப்பட்டுள்ளனர்.
