போர்ட்டிக்சன், ஜூலை.16-
நெகிரி செம்பிலான் மாநிலச் சட்டமன்றத் தேர்தலுக்கான வேட்புமனுத் தாக்கல் நடைபெறும் வரும் சனிக்கிழமை அன்று, மாநிலத்தின் பெரும்பாலான இடங்களில் தெளிவான வானிலை நிலவும் என மலேசிய வானிலை ஆய்வு மையமான MetMalaysia கணித்துள்ளது.
போர்ட்டிக்சன் மற்றும் சிரம்பான் ஆகிய பகுதிகளைத் தவிர, ஜெலுபு, ஜெம்போல், கோலா பிலா, ரெம்பாவ் மற்றும் தம்பின் ஆகிய மாவட்டங்களில் காலையில் நல்ல வானிலை எதிர்பார்க்கப்படுகிறது. எனினும், சனிக்கிழமை மாலை வேளையில் மாநிலம் முழுவதும் இடியுடன் கூடிய மழை பெய்யக்கூடும் என்றும், அன்றைய தினம் வெப்பநிலை 23 முதல் 33 டிகிரி செல்சியஸ் வரை இருக்கும் என்றும் வானிலை மையம் குறிப்பிட்டுள்ளது.
நெகிரி செம்பிலான் மாநிலத் தேர்தலுக்கான வேட்புமனுத் தாக்கல் இந்த சனிக்கிழமையும், முன்கூட்டிய வாக்கெடுப்பு ஜூலை 28 ஆம் தேதியும், பொது வாக்கெடுப்பு ஆகஸ்ட் 1-ஆம் தேதியும் நடைபெறவுள்ளது.
