நீலாய், நவம்பர்.01-
மலேசியாவில் கைது செய்யப்பட்ட ஒரு சட்டவிரோதக் குடியேறி, அதிகாரிகள் தன்னை நெருங்கியபோது, திடீரென "ஸ்பைடர்மேன்" போல செயல்பட்டு கட்டடத்தின் உயரமான சுவர்களைப் பிடித்து ஏறித் தப்பிக்க முயன்றார்.
இந்த அசாத்தியமான முயற்சியால், அவர் சுவரில் ஆபத்தான உயரத்தில் தொங்கிக் கொண்டிருந்த காட்சியை அங்கிருந்தவர்கள் கண்டனர். இம்முயற்சி பார்ப்பவர்களை ஆச்சரியத்தில் ஆழ்த்தியது.
உயிரைப் பணயம் வைத்து அவர் மேற்கொண்ட இந்தச் சாகசச் செயல் தோல்வியில் முடிந்தது. இறுதியில் அதிகாரிகள் அவரைச் சுற்றி வளைத்து எவ்விதச் சேதமும் இன்றிப் பாதுகாப்பாகக் கைது செய்ததாக நெகிரி செம்பிலான் குடிநுழைவுத் துறை இயக்குனர், கென்னித் டான் ஐ கியாங் தெரிவித்தார்.
சட்டவிரோதமாகக் குடியேறியவர்கள் அமலாக்க அமைப்புகளிடம் இருந்து தப்பிக்க எவ்வளவு தூரம் துணிகரமான முயற்சிகளை மேற்கொள்கிறார்கள் என்பதை இந்தச் சம்பவம் வெளிச்சம் போட்டுக் காட்டியது.
