ஆயிரக்கணக்கான கடல் சார் பொருட்கள் மற்றும் மாலுமிகளுடன் மத்திய கிழக்கை நோக்கி பயணிக்கும் அமெரிக்க போர்க்கப்பல் ஒன்று மலாக்கா நீரிணையை கடக்க இருப்பதாகத் தகவல்கள் கூறுகின்றன.
அமெரிக்க கடற்படையின் USS திரிப்போலி என்ற நீர்நிலத் தாக்குதல் கப்பலானது, தென் சீனக் கடலின் தென்மேற்கு எல்லையில் அமைந்துள்ள சிங்கப்பூரை நோக்கி வந்து கொண்டிருப்பதாக AIS கண்காணிப்பு தரவுகள் தெரிவிக்கின்றன.
அந்த போர்க்கப்பலானது மத்திய கிழக்கிற்கு அனுப்பப்பட்டுள்ளதை அமெரிக்க அதிகாரிகள் உறுதி செய்துள்ளனர்.
ஆனால், அதன் துல்லியமான இலக்கு அல்லது பணியின் விவரங்கள் வெளியிடப்படவில்லை.
பொதுவாக அமெரிக்க கடற்படை கப்பல்கள், தானியங்கி அடையாள அமைப்பான AIS கருவிகள் செயலற்ற நிலையில் பயணம் செய்வது வழக்கமாக இருந்தாலும் கூட, சிங்கப்பூர் போன்ற அதிகமான கடல் போக்குவரத்து உள்ள பகுதிகளில் பாதுகாப்பான இயக்கத்திற்காக அவற்றின் இருப்பிடத்தை வெளிப்படுத்துவது அவசியம் என முக்கிய ஊடகங்கள் கூறுகின்றன.
