ஷா ஆலாம், ஜுலை 01-
போலீஸ் MPV ரோந்து போலீஸ் காரை, ஹோண்டா சிட்டி ரக கார் மோதியதில் இரு போலீஸ்காரர்கள் காயம் அடைந்தனர்.
இச்சம்பவம் கடந்த சனிக்கிழமை இரவு 10 மணியளவில் ஷா ஆலாம், செக்ஷன் 7, பூசட் கொமேசியல், பெர்சியாரன் பெஸ்டாரி -யில் நிகழ்ந்தது.
சைரன் ஒலியுடன் அந்த போலீஸ் ரோந்துக் கார், சாலை சந்திப்பை கடக்க முற்பட்ட போது இவ்விபத்து நிகழ்ந்தது.
இதில் போலீஸ் ரோந்து கார் சேதமுற்றதுடன் அதில் இருந்த இரு போலீஸ்காரர்கள் காயத்திற்கு ஆளாகினர். பின்னர் அவர்கள் அம்புலன்ஸ் வண்டியின் மூலம் மருத்துமனைக்கு கொண்டு செல்லப்பட்டனர் என்று ஷா ஆலாம் மாவட்ட போலீஸ் தலைவர் எ.சி.பி முகமது இக்பால் இப்ராஹிம் தெரிவித்தார்.
