Nov 21, 2026
Thisaigal NewsYouTube

இந்தோனேசிய தாதியர்களை பணியமர்த்தும் திட்டத்திற்கு மலேசிய ஆண் தாதியர் சங்கம் எதிர்ப்பு

திசைகள் செய்திப்பிரிவு
Share:
இந்தோனேசிய தாதியர்களை பணியமர்த்தும் திட்டத்திற்கு மலேசிய ஆண் தாதியர் சங்கம் எதிர்ப்பு

நாட்டில் நிலவி வரும் சுகாதாரப் பணியாளர்கள் பற்றாக்குறையை சமாளிக்கும் நோக்கில், இந்தோனேசிய தாதியர்களை பணியமர்த்தும் திட்டத்திற்கு, மலேசிய ஆண் தாதியர் சங்கமான எம்எம்என் கடும் எதிர்ப்பு தெரிவித்துள்ளது.

இது குறித்து எம்எம்என் இன்று வெள்ளிக்கிழமை வெளியிட்டுள்ள அறிக்கையில், முழுமையான ஆய்வுகள் மேற்கொள்ளப்படாமல் இத்திட்டத்தை அமல்படுத்தக் கூடாது என்று வலியுறுத்தியுள்ளது.

அதேவேளையில், இந்தோனேசிய சுகாதாரப் பணியாளர்களின் தொழில்முறைத் திறனை, குறைத்து மதிப்பிடும் நோக்கில், இந்த எதிர்ப்பு தெரிவிக்கப்படவில்லை என்றும், நோயாளிகளின் சிகிச்சைத் தரம், மருத்துவப் பாதுகாப்பு மற்றும் நாட்டின் சுகாதார அமைப்பின் நீண்டகால நிலைத்தன்மையைப் பாதுகாப்பதே தங்களின் முக்கிய நோக்கம் என்றும் சங்கம் விளக்கமளித்துள்ளது.

தாதியர் பயிற்சி தரநிலைகள், கல்வித் தகுதிகள், மருத்துவ நடைமுறைகள் மற்றும் சிகிச்சை நெறிமுறைகளில் காணப்படும் வேறுபாடுகள் உள்ளிட்டவைகளோடு, மலாய் மொழி மற்றும் உள்ளூர் வட்டார மொழிகளில் திறம்பட தொடர்புகொள்ளும் திறன் ஆகியவை தங்களின் முக்கிய கவலைகளாக உள்ளதாகவும் மலேசிய ஆண் தாதியர் சங்கம் தெரிவித்துள்ளது.

முன்னதாக, மலேசியாவில் நிலவி வரும் 15 ஆயிரம் தாதியர் பற்றாக்குறையைச் சமாளிக்க இந்தோனேசியாவிலிருந்து தாதிகளை பணியமர்த்தும் திட்டத்தை அரசாங்கம் பரிசீலித்து வருவதாக வெளியுறவு அமைச்சர் டத்தோஸ்ரீ முகமட் ஹசான் தெரிவித்திருந்தார் என்பது குறிப்பிடத்தக்கது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை

நெகிரி செம்பிலான் அரசியல்  நெருக்கடிக்கு முடிவு: கட்சித் தலைமையின் உத்தரவுகளைப் பின்பற்ற உறுப்பினர்கள் ஒப்புதல்

நெகிரி செம்பிலான் அரசியல் நெருக்கடிக்கு முடிவு: கட்சித் தலைமையின் உத்தரவுகளைப் பின்பற்ற உறுப்பினர்கள் ஒப்புதல்

சிலாங்கூர் வெள்ள பாதிப்பு அதிகரிப்பு: பேராக் உள்ளிட்ட மற்ற மாநிலங்களில் குறைந்து வருகின்றது

சிலாங்கூர் வெள்ள பாதிப்பு அதிகரிப்பு: பேராக் உள்ளிட்ட மற்ற மாநிலங்களில் குறைந்து வருகின்றது