MFF எனப்படும் மலேசிய வன நிதி நிறுவனத்தின் புதிய தலைமை செயல்முறை அதிகாரியாக Datuk Shah Redza Hussein நியமிக்கப்பட்டுள்ளார். இவர் காடுகள் பாதுகாப்பு , சுற்றுச்சூழல் துறையில் 30 ஆண்டுகளுக்கும் மேலான அனுபவம் கொண்டவர்.
புதிய தலைமை செயல்முறை அதிகாரியாக Shah Redza, MFF இன் எதிர்கால திட்டங்களைக் குறிப்பாக காடுகளைப் பாதுகாப்பதற்கான புதிய நிதி வழிமுறைகளை உருவாக்குவதில் கவனம் செலுத்துவார். மேலும் நிறுவனத்தின் அன்றாட செயல்பாடுகளையும் அவர் நிர்வகிப்பார் என MFF வெளியிட்ட அறிக்கையில் குறிப்பிட்டுள்ளது.
இந்த நியமனத்திற்கு முன் Shah Redza, பகாங்கில் உள்ள Rizab Harimau Diraja Al-Sultan Abdullah வை நிர்வகிக்கும் நிறுவனத்தின் தலைமை செயல்முறை அதிகாரியாக இருந்தார். இஃது அவருக்கு வனவிலங்கு பாதுகாப்பு பற்றிய ஆழ்ந்த புரிதலை வழங்கியுள்ளது.
Shah Redzaவின் தலைமையில் நிறுவனம் மேலும் வளர்ச்சி அடையும் என்று MFF இன் தலைவர் Dr Yasmin Rasyid நம்பிக்கை தெரிவித்துள்ளார். குறிப்பாக வன பாதுகாப்பு சான்றிதழிலும் கார்பன் ஈடுசெய்தல் திட்டங்களிலும் நிறுவனம் கவனம் செலுத்தும் என்று அவர் கூறியுள்ளார்.
