Nov 21, 2026
Thisaigal NewsYouTube

நாட்டில் இன விவகாரங்களுக்கு அமைதியான தீர்வு காணப்பட வேண்டும் / மலாய்–இந்திய அரசு சாரா அமைப்புகள் வலியுறுத்தல்

திசைகள் செய்திப்பிரிவு
Share:
நாட்டில் இன விவகாரங்களுக்கு அமைதியான தீர்வு காணப்பட வேண்டும் / மலாய்–இந்திய அரசு சாரா அமைப்புகள் வலியுறுத்தல்

மலாய் மற்றும் இந்திய சமுதாயத்தினரைப் பிரதிநிதித்துவப்படுத்தும் பல அரசு சாரா அமைப்புகள், இரு சமூகங்களையும் சார்ந்த இனப் பிரச்சினைகள் அனைத்தும் விரைவாகவும் முழுமையாகவும் சுமூகத் தீர்வு காணப்பட வேண்டும் என்று வலியுறுத்தியுள்ளன.

இது தொடர்பாக, இன்று புத்ராஜெயாவில் நடைபெற்ற, பல NGO-கள் கலந்து கொண்ட கலந்துரையாடல் அமர்வில், இப்பிரச்சினைகளுக்கு பொதுவான தீர்வை காண பேச்சுவார்த்தையே முக்கிய வழியாக இருக்க வேண்டும் என அனைவரும் ஒருமித்த கருத்தை தெரிவித்தனர்.

அமைதியான தீர்வைக் காண்பதற்கான முயற்சியில் இச்சந்திப்பு மிக முக்கியமானது என்று மலேசிய இந்து ஆலயங்கள் மற்றும் இந்து சங்கப் பேரவையான மகிமாவின் தலைவர் டத்தோ சிவகுமார் தெரிவித்தார்.

இன்றைய முயற்சிகள், மலாய் மற்றும் இந்தியச் சமூகங்களுக்கு இடையே ஓர் அமைதியான தீர்வை எட்டுவதை நோக்கமாகக் கொண்டுள்ளதாகவும் டத்தோ சிவக்குமார் குறிப்பிட்டார்.

மேலும், துல்லியமான தரவுகளைப் பெறுவதற்காக, பிரதமர் துறையின் கீழ் ஒரு சிறப்புக் குழுவை அமைப்பதும், வழிபாட்டுத் தலங்களையும் உள்ளடக்கிய ஒரு நிலத் தணிக்கையை மேற்கொள்வதும் இச்சந்திப்பில் முன்மொழியப்பட்ட யோசனைகளில் அடங்கும் என்றும் அவர் தெரிவித்தார்.

இதனிடையே, மலேசிய முஸ்லிம் வழக்கறிஞர்கள் சங்கத்தின் தலைவர் டத்தோ ஜைனுல் ரிஜால் அபு பக்கர் கூறுகையில், இந்த கலந்துரையாடலானது இரு சமூகத்தினரும் வெளிப்புற தாக்கம் இன்றி நேரடியாக உரையாட ஒரு மேடையாக அமைந்தது என்றார்.

தற்போது நிலவி வரும் பதற்றமான சூழ்நிலைகளை சமாளிக்க தாங்கள் முயற்சி செய்து வருவதாகவும், மூன்றாம் தரப்பினரின் தூண்டுதல்களுக்குப் பதிலளிப்பதற்குப் பதிலாக இது போன்ற நேரடிப் பேச்சுவார்த்தையே சிறந்தது என்றும் தெரிவித்தார்.

புத்ரா ஜெயா பன்னாட்டு மாநாட்டு மைய வளாகத்தில், ‘மதானி ஒற்றுமை’ திட்டத்தின் கீழ் இந்த கலந்துரையாடல் நடைபெற்றது குறிப்பிடத்தக்கது.

இந்நிகழ்வில், சட்டவிரோத வழிபாட்டுத் தலங்களுக்கு எதிரான இயக்கத்தின்' ஒருங்கிணைப்பாளர் முகமது ஜம்ரி வினோத், சமூக ஆர்வலர் சிக்கு சந்திரா, சமய போதகர் ஃபிர்தௌஸ் வாங், சமூக ஊடகப் பிரபலங்களான குமரேசன் ஜோதி, சந்தனார் துரோணாச்சாரியார் உள்ளிட்டோர் கலந்து கொண்டனர்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு