உலக அளவில் செல்வாக்குமிக்க கடப்பிதழ் வரிசையில் மலேசியா 12 ஆவது இடத்திற்கு தகுதி பெற்றுள்ளது. மலேசிய கடப்பிதழ் சிறந்த மதிப்பெண்களை பதிவு செய்த போதிலும் கடந்த ஆண்டு மத்திய பகுதியுடன் ஒப்பிடுகையில் தர வரிசையில் ஒரு இடம் சரிவு கண்டுள்ளது.
ஒவ்வொரு ஆண்டும் லண்டனை தளமாக கெண்ட குடிவரவு ஆலோசனை நிறுவனமான The Henley Passport Index, உலகில் வலிமையான மற்றும் பலவீனமான கடப்பிதழ்களின் தரவரிசையை வெளியிட்டு வருகிறது.
அந்த வகையில் 2024 ஆம் ஆண்டுக்கான Henley கடப்பிதழ் குறியீடு தர வரிசை மதிப்பீட்டில் Cyprus, Liechtenstein ஆகிய நாடுகளுடன் மலேசியா 12 இடத்தில் உள்ளது. இக்கடப்பிதழை பயன்படுத்தி 182 நாடுகளுக்கு விசாயின்றி பயணம் செய்ய முடியும்.
ஒரு நாட்டின் கடப்பிதழை கொண்டு இருப்பவர்கள் எத்தனை நாடுகளுக்கு விசாயின்றி பயணம் செய்ய முடியும் என்ற தரவரிசையில் உலகளாவிய 227 வழிதடங்களில் 182 வழிதடங்களுக்கு மலேசிய கடப்பிதழ் பயன்படுத்த முடியும்.
பிரான்ஸ், ஜெர்மனி, இத்தாலி, ஜப்பான் மற்றும் ஸ்பெயின் ஆகிய நாடுகளுடன் சிங்கப்பூர் கடப்பிதழ், உலகில் சக்தி வாய்ந்த கடப்பிதழாக முதல் இடத்திற்கு தகுதி பெற்றுள்ளது.
