புத்ராஜெயா, ஜூலை 09-
கெடா மாநிலத்தில் 4 இலக்க சூதாட்ட நம்பர் கடைகள் சிலவற்றை சட்டவிரோதமாக அறிவித்து இருக்கும் மாநில அரசாங்கத்தின் முடிவை அலோர் ஸ்டார் உயர் நீதிமன்றம் ரத்து செய்துள்ளது.
நம்பர் கடைகளை சட்டவிரோத கடைகளாக அறிவித்து இருக்கும் கெடா மாநில அரசாங்கத்தின் முடிவு ரத்து செய்யப்பட வேண்டும் என்று கோரி, நம்பர் கடைகள் செய்து கொண்ட விண்ணப்பத்தை உயர் நீதிமன்றம் ஏற்றுக்கொண்டுள்ளது.
எனினும் இத்தீர்ப்பை எதிர்த்து புத்ராஜெயா அப்பீல் நீதிமன்றத்தில் மேல்முறையீடு செய்யப்படும் வரையில் தீர்ப்பின் அமலாக்கம் ஒத்திவைக்கப்பட வேண்டும் என்று கெடா மாநில அரசாங்கம் செய்து கொண்ட விண்ணப்பத்திற்கு உயர் நீதிமன்றம் அனுமதி அளித்துள்ளது.
