Nov 22, 2026
Thisaigal NewsYouTube

ஜாசின் இளைஞர் கொலை வழக்கு: ஓராண்டாகியும் கிடைக்காத நீதி - கண்ணீரில் குடும்பத்தினர்

திசைகள் செய்திப்பிரிவு
Share:
ஜாசின் இளைஞர் கொலை வழக்கு: ஓராண்டாகியும் கிடைக்காத நீதி - கண்ணீரில் குடும்பத்தினர்

ஜாசின், பிப்ரவரி.06-

2024 ஆகஸ்ட் மாதம் மலாக்கா, ஜாசின் நகரில் முகமூடி கும்பலால் எம். வினோத் கொடூரமாகத் தாக்கப்பட்டுக் கொல்லப்பட்ட வழக்கில், குடும்பத்தினர் ஓராண்டாக நீதிக்காகப் போராடி வருகின்றனர். விசாரணையில் 8 பேர் கைது செய்யப்பட்டாலும், ஆதாரமின்மையால் அவர்கள் பிணையில் விடுவிக்கப்பட்டுள்ளனர்.

குற்றவாளிகள் சுதந்திரமாக உலவுவதாகவும், பாதிக்கப்பட்ட குடும்பத்திற்கு மிரட்டல் வருவதாகவும் வழக்கறிஞர் டேனியல் சவரிமுத்து குற்றம் சாட்டியுள்ளார். எனவே, சட்டத்துறை அலுவலகம் மற்றும் புக்கிட் அமான் போலீஸ் தலைமையகம் நேரடியாக தலையிட்டு, இந்த வழக்கை விரைந்து முடிக்க வேண்டும் என வினோத்தின் குடும்பத்தினர் கோரிக்கை விடுத்துள்ளனர்.

தமது சகோதரர் வினோத்திற்கு ஏற்பட்ட கொடூரம், தங்களை இன்னமும் அச்சத்தில் உறைய வைத்துள்ளதாக அவரின் 22 வயது சகோதரர் எம். தேவராஜ் தெரிவித்துள்ளார்.

சம்பவத்தன்று வினோத் மருத்துவமனைக்குக் கொண்டு செல்லப்பட்ட போதும், அங்கும் துரத்தி வந்த அக்கும்பல் தாக்குதல் நடத்தியது அதிர்ச்சியை ஏற்படுத்தியுள்ளது. வினோத் குறித்து அவரின் மனைவி சரஸ்வதி கூறுகையில், தனது கணவர் குழந்தையைப் பார்ப்பதற்கு முன்பே கொல்லப்பட்டதாகவும், குற்றவாளிகள் சுதந்திரமாக நடமாடுவது தங்களுக்குப் பாதுகாப்பற்ற உணர்வை ஏற்படுத்துவதாகவும் கண்ணீருடன் தெரிவித்துள்ளார்.

குற்றவாளிகளின் அடையாளம் தெரிந்தும், சிசிடிவி (CCTV) காட்சிகள் இருந்தும் போலீஸ் தரப்பில் போதிய ஆதாரங்கள் இல்லை எனக் கூறப்படுவதைக் குடும்ப வழக்கறிஞர் டேனியல் சவரிமுத்து சாடியுள்ளார்

"தாமதிக்கப்பட்ட நீதி, மறுக்கப்பட்ட நீதிக்குச் சமம்" எனக் குறிப்பிட்டுள்ள அவர், இந்த வழக்கை புக்கிட் அமான் மற்றும் சட்டத்துறை அலுவலகம் நேரடியாகக் கண்காணித்து விரைந்து நடவடிக்கை எடுக்க வேண்டும் என வலியுறுத்தியுள்ளார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு