ஜோகூர் பாருவில் உள்ள ஈஸ்டர்ன் டிஸ்பெர்சல் இணைப்பு நெடுஞ்சாலையில் வாகனத்தை நிறுத்திவிட்டு சிறுநீர் கழித்ததாக கூறப்படும் 3 ஆடவர்களைப் போலீசார் கைது செய்துள்ளனர்.
28 முதல் 36 வயதுக்குட்பட்ட அந்த 3 பேரும், சிறுநீர் கழிக்கும் சம்பவம் தொடர்பான காணொளி சமூக ஊடகங்களில் வேகமாகப் பரவியதைத் தொடர்ந்து, நேற்று இரவு உணவகம் ஒன்றில் மூவரும் கைது செய்யப்பட்டதாக ஜோகூர் பாரு செலாத்தான் மாவட்ட துணை போலீஸ் தலைவர் ங் ஸ்வீ சாயிட் தெரிவித்துள்ளார்.
அதேவேளையில் இச்சம்பவத்துடன் தொடர்புடையதாக கருதப்படும் பல்நோக்கு வாகனம் ஒன்றும் பறிமுதல் செய்யப்பட்டது.
மேலும், கைது செய்யப்பட்டவர்களில் ஒருவருக்கு ஏற்கனவே குற்றப் பின்னணி இருப்பதாகவும், எனினும் 3 பேரிடமும் நடத்தப்பட்ட போதைப்பொருள் பரிசோதனையில் எவ்வித தடயமும் இல்லை என்றும் ங் ஸ்வீ சாயிட் தெரிவித்துள்ளார்.
இந்த வழக்கானது குற்றவியல் சட்டம் பிரிவு 377D-ன் கீழ் அநாகரிகச் செயல் தொடர்பாக விசாரிக்கப்பட்டு வருகின்றது.
