கூச்சிங், மே 02-
கூச்சிங், ஜாலான் பெண்டிங்கில் கடந்த செவ்வாய்க்கிழமை இரு ஆண்களும் சாலையில் சண்டையிட்டு கொள்ளும் காணொளி ஒன்று வைரலாகியதைக் குறித்து போலீசார் விசாரணை மேற்கொண்டு வருகின்றனர்.
இரு வெவ்வேறு வாகனங்களில் பயணித்த அந்நபர்கள் ஒரே நேரத்தில் சாலையின் வலதுபுறப் பாதையில் செல்வதற்கு முற்பட்டதாகவும் சம்பந்தப்பட்ட வாகன ஓட்டுநர் நுழைவதற்கு பாதை கொடுக்காததையும் தொடர்ந்து இச்சண்டை ஏற்பட்டதாக தெரியப்படுகிறது.
இச்சம்பவம் குறித்து போலீசாருக்கு புகார் ஒன்று கிடைக்கப் பெற்றதாகவும் மேலும் அவ்விருவரையும் தமது தரப்பினர் தீவிரமாக தேடி வருவதாகவும் கூச்சிங் போலீஸ் தலைவர் உதவி கமிஷனர் அஸ்மான் பாஜா கூறினார்.
இதுக்குறித்து குற்றவியல் சட்டம் 323/506 பிரிவின் கீழ் விசாரணை மேற்கொண்டு வருவதுடன் இச்சம்பவத்தை தொடர்ந்து ஏதெனும் தகவல் தெரிந்தால் காவல்துறைக்கு அறிவிக்குமாறு அஸ்மான் பாஜா பொதுமக்களை கேட்டுக் கொண்டார்.
