மலேசியாவில் அவசரகால எச்சரிக்கைகளை மக்களுக்கு விரைவாகக் கொண்டு சேர்க்கும் வகையில், சிபிஎஸ் (CBS) என்றழைக்கப்படும் புதிய செல்போன் வழி அவசரகால எச்சரிக்கை அனுப்பும் தொழில்நுட்பமானது நாளை சோதனை செய்யப்பட உள்ளது.
மலேசிய தொடர்பு மற்றும் பல்லூடக ஆணையமான எம்சிஎம்சி இந்தச் சோதனையை முன்னெடுக்கிறது.
இதன் மூலம் ஆபத்து ஏற்படும் பகுதிகளில் உள்ள செல்போன்களுக்கு நேரடியாக எச்சரிக்கை செய்திகள் அனுப்பப்படும் என்று தெரிவிக்கப்பட்டுள்ளது.
ஏற்கனவே ஜப்பான், தென்கொரியா, சிங்கப்பூர் உள்ளிட்ட நாடுகளிலும் இதுபோன்ற முறை அமலில் உள்ளது.
இந்தச் சோதனை வெள்ளப் பெருக்கு அபாயம் அதிகமுள்ள சிலாங்கூர், கோலாலம்பூர், கிளந்தான் மற்றும் பஹாங் பகுதிகளில் நடைபெறவுள்ளது. அப்போது பாதுகாப்பான இடங்களுக்குச் செல்லுமாறு செல்போன்களுக்கு எச்சரிக்கை செய்திகள் வரலாம் என்றும் எம்சிஎம்சி தெரிவித்துள்ளது.
இருப்பினும், அவை உண்மையான அவசர எச்சரிக்கைகள் அல்ல என்றும், சோதனையின் ஒரு பகுதி மட்டுமே என்றும் எம்சிஎம்சி பொதுமக்களுக்கு அறிவுறுத்தியுள்ளது.








