மூன்று வாகனங்கள் சம்பந்தப்பட்ட விபத்தொன்றில் மோட்டார் சைக்கிளோட்டி ஒருவர் உயிரிழந்தார். இவ்விபத்து நேற்று புதன்கிழமை பிற்பகல் 3.30 மணியளவில் ஜாலான் காராக் - குவாலா பிலாஹ் சாலையின் 19 ஆவது கிலோ மீட்டரில் நிகழ்ந்தது.
இதில் 33 வயது எஸ். விவேகானந்தன் என்பவர் கடும் காயங்களுக்கு ஆளாகி சம்பவ இடத்திலேயே மாண்டதாக பெந்தோங் மாவட்ட போலீஸ் தலைவர் சுபெரிந்தென்டன் சைஹம் முஹமாட் முஹமாட் காஹார் தெரிவித்தார்.மோட்டார் சைக்கிளோட்டி, எம்பிவி வாகனத்தை முந்திச் செல்ல முற்பட்ட போது ஃபோர்-வீல் டிரைவ் வாகனத்தில் மோதி தூக்கி எறியப்பட்ட நிலையில் அவரை, எம்பிவி வாகனம் மோதித் தள்ளியதாக கூறப்படுகிறது.
இச்சம்பவத்தில் மோட்டார் சைக்கிளோட்டி விவேகானந்தன், தலையிலும் உடலிலும் பலத்த காயங்களுக்கு ஆளாகி உயிரிழந்த வேளையில் இதர இரண்டு வாகமோட்டிகள் காயமின்றி உயிர் தப்பியதாக சைஹாம் முஹமாட் காஹார் குறிப்பிட்டார்.
