Nov 20, 2026
Thisaigal NewsYouTube

சுபாங் தொகுதிக்கு இடைத்தேர்தல் அவசியமில்லை – தேர்தல் ஆணையம் அறிவிப்பு

திசைகள் செய்திப்பிரிவு
Share:
சுபாங் தொகுதிக்கு இடைத்தேர்தல் அவசியமில்லை – தேர்தல் ஆணையம் அறிவிப்பு

சுபாங் நாடாளுமன்ற உறுப்பினர் வோங் சென் தமது பதவியை ராஜினாமா செய்ததைத் தொடர்ந்து, அத்தொகுதியில் இடைத்தேர்தல் நடத்தப்படுமா? என்ற கேள்வி எழுந்த நிலையில், அங்கு இடைத்தேர்தல் நடத்த வேண்டிய அவசியமில்லை என தேர்தல் ஆணையம் அறிவித்துள்ளது.

கூட்டரசு அரசியலமைப்பின் பிரிவு 54(1)-ன் அடிப்படையில் இந்த முடிவு எடுக்கப்பட்டுள்ளதாக தேர்தல் ஆணையத்தின் தலைவர் டத்தோ ஸ்ரீ ரம்லான் ஹாரூன் தெரிவித்துள்ளார்.

அதேவேளையில், நாடாளுமன்ற சபாநாயகர் தான் ஸ்ரீ டாக்டர் ஜோஹாரி அப்துல்-ம், காலியாகியுள்ள அத்தொகுதிக்கு இடைத்தேர்தல் நடத்த வேண்டிய அவசியமில்லை என தேர்தல் ஆணையத்திடம் தெரிவித்திருந்தார்.

இது தொடர்பாக நேற்று ஆகஸ்ட் 11-ஆம் தேதியிட்ட கடிதம் மூலம் ஜோஹாரி அப்துல்- யிடமிருந்து தேர்தல் ஆணையத்திற்கு அறிவிப்பு கிடைத்ததாக ரம்லான் ஹாரூன் குறிப்பிட்டுள்ளார்.

முன்னதாக நடைபெற்ற நாடாளுமன்ற சிறப்புக் கூட்டத்தில் வோங் சென் -ன் ராஜினாமா கடிதம் தனக்கு அதிகாரப்பூர்வமாக கிடைத்ததை ஜோஹாரி அப்துல் உறுதிப்படுத்தியிருந்தார் என்பது குறிப்பிடத்தக்கது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →