Nov 22, 2026
Thisaigal NewsYouTube

அனைத்துலக விசா மோசடி கும்பல் "டேவிட் லாரன்ஸ்" முறியடிப்பு: வங்காளதேசத் தம்பதிக்கு 45 மாதச் சிறைத் தண்டனை

திசைகள் செய்திப்பிரிவு
Share:
அனைத்துலக  விசா மோசடி கும்பல் "டேவிட் லாரன்ஸ்" முறியடிப்பு: வங்காளதேசத் தம்பதிக்கு 45 மாதச் சிறைத் தண்டனை

கோலாலம்பூர், பிப்ரவரி.25-

கோலாலம்பூர் கூட்டரசு பிரதேச குடிநுழைவுத் துறையினர் நடத்திய அதிரடிச் சோதனையில், "டேவிட் லாரன்ஸ்" என்ற பெயரில் இயங்கி வந்த அனைத்துலக போலி விசா தயாரிப்புக் கும்பல் வெற்றிகரமாக முறியடிக்கப்பட்டது.

ஐரோப்பிய நாடுகளுக்குச் செல்ல தலா 20,000 ரிங்கிட் வரை பெற்றுக் கொண்டு போலி விசாக்களை வழங்கி வந்த இந்தக் கும்பலின் பின்னணியில் இருந்த தம்பதியினர் கைது செய்யப்பட்டுள்ளனர்.

30 வயது மதிக்கத்தக்க வங்காளதேசத்தைச் சேர்ந்த கணவன் மற்றும் மனைவி, கடந்த 8 மாதங்களாக இந்த சட்டவிரோதச் செயலில் ஈடுபட்டு வந்தது விசாரணையில் தெரிய வந்துள்ளது.

வங்காளதேசத்தில் உள்ள வாடிக்கையாளர்களின் கடப்பிதழ்களைச் சர்வதேச கொரியர் மூலம் மலேசியாவிற்கு வரவழைத்து, இங்குள்ள ரகசிய இடத்தில் வைத்து போலி ஐரோப்பிய விசாக்களைப் பதித்து மீண்டும் அனுப்பி வைப்பதே இவர்களது திட்டமாகும்.

கடந்த பிப்ரவரி 10 ஆம் தேதி கோலாலம்பூர் சுங்கை பீசி பகுதியில் உள்ள குடியிருப்பு ஒன்றில் நடத்தப்பட்ட சோதனையில், ஏராளமான வங்காளதேச கடப்பிதழ்கள், வெளிநாட்டுப் போலி முத்திரைகள், கணினிகள் மற்றும் போலி ஆவணத் தயாரிப்பு உபகரணங்கள் பறிமுதல் செய்யப்பட்டன.

கடந்த திங்கட்கிழமை கோலாலம்பூர் நீதிமன்றத்தில் நிறுத்தப்பட்ட இந்தத் தம்பதியினர், தங்கள் மீதான 9 குற்றச்சாட்டுகளையும் ஒப்புக் கொண்டனர். அவர்களுக்கு மொத்தம் ஒரு லட்சத்து 12 ஆயிரம் ரிங்கிட் அபராதம் விதிக்கப்பட்டது. இருப்பினும், அபராதத் தொகையைச் செலுத்தத் தவறியதால், இருவருக்கும் 45 மாதங்கள் சிறை தண்டனை விதிக்கப்பட்டுள்ளது என்று குடிநுழைவுத்துறை வெளியிட்டுள்ள ஓர் அறிக்கையில் தெரிவித்துள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு