கிளந்தான், தும்பாட்டில் உள்ள பள்ளிவாசலில் அத்துமீறி நுழைந்து, கண்ணாடிப் பலகையை உடைத்ததுடன், கம்பளத்தில் துர்நாற்றம் வீசும் திரவத்தை ஊற்றி சேதப்படுத்திய மூன்று குற்றச்சாட்டுகளில், 38 வயது மஞ்சேஷ் சிங் ஷுக்டேவ் சிங் என்பவர் இன்று குற்றத்தை ஒப்புக் கொண்டார்.
பாசிர் மாஸ் மாஜிஸ்திரேட் நீதிமன்றத்தில் குற்றச்சாட்டுகள் வாசிக்கப்பட்டபோது அவர் குற்றத்தை ஒப்புக் கொண்டார். அக்டோபர் 5ஆம் தேதி அதிகாலை 4.35 மணிக்கு கோத்தா எஸ்பிபி வாரிசான் பகுதியில் உள்ள மஸ்ஜிட் அல்-அஸிஸ் அல்-ஹாடி பள்ளிவாசலில் இந்தச் சம்பவம் நிகழ்ந்ததாகக் குற்றஞ்சாட்டப்பட்டது. குற்றம் நிரூபிக்கப்பட்டால், அதிகபட்சம் இரண்டு ஆண்டுகள் சிறை, அபராதம் அல்லது இரண்டும் விதிக்கப்படலாம்.
மேலும், அக்டோபர் 17ஆம் தேதி தும்பாட் போலீஸ் தலைமையகத்தில் மெத்தாம்பெட்டமைன் போதைப்பொருளைப் பயன்படுத்தியதாகவும் அவர் மீது குற்றச்சாட்டு உள்ளது. இந்த வழக்கில் அவருக்கு 2,500 ரிங்கிட் பிணை வழங்கப்பட்டது.
