கிள்ளான் பள்ளத்தாக்கில் பல்வேறு பகுதிகளில் நாளை அக்டோபர் 10 ஆம் தேதி செவ்வாய்க்கிழமை நீர் விநியோகத்தில் இடையூறு ஏற்படவிருக்கிறது. கோலாலம்பூர், பெட்டாலிங், உலு லங்காட் வட்டாரங்கள் உட்பட கிள்ளான் பள்ளத்தாக்கு வாழ் மக்கள் போதுமான நீரை சேமித்துக் கொள்ளும்படி அறிவுறுத்தப்பட்டுள்ளனர்.
சுங்கை லங்காட் நீர் சுத்திகரிப்பு மையத்தில் நாளை செவ்வாய்க்கிழமை காலை 9 மணி முதல் இரவு 7 மணி வரையில் அந்த மையத்தின் தரம் உயர்த்துதல் மற்றும் பராமரிப்பு பணிகள் நடைபெறவிருப்பதால் நீர் விநியோகத்தில் தடை ஏற்படவிருக்கிறது.
பராமரிப்பு பணிகள் முடிவடைந்தப் பின்னர் குடிநீர் விநியோகம் கட்டம் கட்டமாக வழக்க நிலைக்கு திரும்பும். இந்நிலையில் வரும் வியாழக்கிழமை வரையில் தேவைப்படக்கூடிய போதுமான நீரை இப்போதே சேமித்துக்கொள்ளும்படி பொது மக்கள், மருத்துவமனைகள் மற்றும் உணவகங்கள் வலியுறுத்தப்பட்டுள்ளதாக சிலாங்கூர் மாநில நீர் விநியோகிப்பு நிறுவனமான அயேர் சிலாங்கூர் கேட்டுக்கொண்டுள்ளது.
