அரசு ஊழியர்கள் உட்பட பணியாளர்களின் மொத்த மகப்பேறு விடுப்பு உரிமை, பணிக்காலம் முழுவதும் 360 நாட்களிலிருந்து 490 நாட்களாக உயர்த்தப்படும். இதன்படி, ஒவ்வொரு பிரசவத்திற்குமான அதிகபட்ச மகப்பேறு விடுப்பு 98 நாட்களாக அதிகரிக்கப்படுகிறது.
அரசு அலுவலகங்களில் உள்ள குழந்தைப் பராமரிப்பு மையங்களை மேம்படுத்த 20 மில்லியன் ரிங்கிட் ஒதுக்கப்பட்டுள்ளது. மேலும், போலீஸ் அதிகாரிகள், மருத்துவர்கள், ராணுவத்தினர், ஆசிரியர்கள், தீயணைப்பு வீரர்கள் உள்ளிட்ட அரசு ஊழியர்களுக்கான குடியிருப்புகளைக் கட்டவும் பராமரிக்கவும் 2.3 பில்லியன் ரிங்கிட் ஒதுக்கப்பட்டுள்ளது.
