Nov 20, 2026
Thisaigal NewsYouTube

பெர்சாத்துவுடன் மீண்டும் கைகோர்க்கும் வாய்ப்பை நிராகரித்த பாஸ்

திசைகள் செய்திப்பிரிவு
Share:
பெர்சாத்துவுடன் மீண்டும் கைகோர்க்கும் வாய்ப்பை நிராகரித்த பாஸ்

பெரிக்காத்தான் நேஷனல் கூட்டணியில் இரு கட்சிகளும் இன்னும் இடம்பெற்றிருந்தாலும், பெர்சாத்துவுடன் மீண்டும் அரசியல் உறவை சீரமைக்கும் வாய்ப்புக்கு பாஸ் தனது கதவை மூடி விட்டது.

பாஸ் தலைவர் அப்துல் ஹாடி அவாங், கடந்த ஆகஸ்ட் 1ஆம் தேதி நடைபெற்ற நெகிரி செம்பிலான் மாநிலத் தேர்தலில் பெர்சாத்து தனித்து போட்டியிட்டதையும், அடுத்த மலாக்கா மாநிலத் தேர்தலில் பக்காத்தான் ஹராப்பானுடன் இணைந்து செயல்பட விருப்பம் தெரிவித்திருப்பதையும் சுட்டிக்காட்டினார்.

“கொள்கை அடிப்படையில், நெகிரி செம்பிலான் தேர்தலில் அவர்கள் எங்களுக்கு எதிராகப் போட்டியிட்டனர். இப்போது பக்காத்தான் ஹராப்பானுடன் இணைந்து செயல்பட விரும்புகிறார்கள்,” என்று ஹாடி கூறினார்.

கடந்த ஆண்டு இறுதியில் பாஸ் மற்றும் பெர்சாத்து இடையேயான உறவில் விரிசல் ஏற்படத் தொடங்கியது. கடந்த ஜூன் மாதம் இரு கட்சிகளுக்கும் இடையேயான அரசியல் ஒத்துழைப்பை பாஸ் முடிவுக்குக் கொண்டுவந்தது.

பெரிக்காத்தான் நேஷனலுக்குத் தற்போது தலைமை வகிக்கும் பாஸ், எதிர்க்கட்சி கூட்டணியை தவறான பாதையில் வழிநடத்துவதாகவும், அதை “நச்சுத்தன்மை கொண்டதாக” மாற்றியுள்ளதாகவும் பெர்சத்து கட்சித் தலைவர் டான்ஸ்ரீ முஹிடின் யாசின் அண்மையில் குற்றஞ்சாட்டினார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →