ஜோகூர், யோங் பெங் பகுதியில் உள்ள இடைநிலைப் பள்ளியில் 16 வயது மாணவி ஐரின் சோஃபியா கைருல் ஃபைசால் கொலை செய்யப்பட்ட சம்பவத்தில், காதல் நிராகரிக்கப்பட்டதால் ஏற்பட்ட பழிவாங்கும் உணர்வு கொலைக்கான காரணமாக இருக்கலாம் என போலீஸ் துறை சந்தேகிக்கிறது.
சந்தேக நபரின் காதல் விருப்பத்தை மாணவி நிராகரித்ததுடன், அவரது நெருங்கிய நண்பருடன் மாணவி உறவு வைத்திருந்ததும் கொலைக்கான சாத்தியமான காரணங்களாகக் கருதப்படுகின்றன.
எனினும், இந்தக் கோணத்தில் விசாரணை தொடர்ந்து நடைபெறுவதாக ஜோகூர் போலீஸ் தலைவர் அப் ரஹமான் அர்சாட் தெரிவித்தார். பள்ளிகளில் அண்மைய காலமாகத் தொடரும் வன்முறைச் சம்பவங்கள் மாணவர்களின் பாதுகாப்பு குறித்த கவலையை அதிகரித்துள்ள நிலையில், இந்தக் கொலைச் சம்பவமும் அதிர்ச்சியை ஏற்படுத்தியுள்ளது.
