Nov 22, 2026
Thisaigal NewsYouTube

நெகிரி செம்பிலானில் கனமழையில் 35 பள்ளிகள் சேதம்

திசைகள் செய்திப்பிரிவு
Share:
 நெகிரி செம்பிலானில் கனமழையில் 35 பள்ளிகள் சேதம்

சிரம்பான், நவம்பர்.29-

நெகிரி செம்பிலான் மாநிலத்தில் நேற்றிரவு பலத்த காற்று மற்றும் இடியுடன் கூடிய கனமழையினால் 35 பள்ளிகள் சேதமுற்றன. இந்த 35 பள்ளிகளும் இயங்கலை மூலம் கற்றல், கற்பித்தல் நடவடிக்கையை மேற்கொள்ளும் என்று மாநில கல்வி இலாகா அறிவித்துள்ளது.

பள்ளிகளின் கூரைகள் கடுமையாகச் சேதமுற்ற நிலையில் 35 பள்ளிகளும் சீரமைக்கப்படும் வரை மாணவர்கள் வரும் திங்கட்கிழமை முதல் ஓன்லைன் மூலம் தங்கள் வீடுகளிலிருந்து கல்வி கற்பார்கள் என்று கல்வி இலாகா தெரிவித்துள்ளது.

இடியுடன் கூடிய கன மழை காரணமாக தம்பின், ரெம்பாவ், சிரம்பான் மற்றும் போர்ட்டிக்சன் வட்டாரத்தில் உள்ள 35 பள்ளிகள் கடுமையாகச் சேதமுற்றதாக அது குறிப்பிட்டுள்ளது.

எனினும் இந்தச் சம்பவத்தில் யாரும் காயமடையவில்லை. சேதம் குறித்து தற்போது மதிப்பீடு செய்யப்பட்டு வருவதாக இன்று வெளியிட்டுள்ள ஓர் அறிக்கையில் கல்வி இலாகா தெரிவித்துள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →