கோலாலம்பூர்,ஜூலை 27-
பிரபல இசையமைப்பாளர் A.R. ரஹ்மானின் உலகத் தரம் வாய்ந்த பிரமாண்டபமான இசை நிகழ்ச்சி, இன்று சனிக்கிழமை இரவு புக்கிட் ஜாலில் அரங்கில் நடைபெறவிருக்கிறது. இந்த மாபெரும் இசை நிகழ்ச்சியில் பல்லாயிரக் கணக்கான ரசிகர்கள் திரள்வார்கள் என்று எதிர்பார்க்கப்படும் வேளையில் கோலாலம்பூர் மாநகரில் பிரதான LRT ரயில் சேவையை வழங்கி வரும் Prasarana நிறுவனம், இன்று பின்னிரவு 1 மணி வரையில் ரயில் சேவை நேரத்தை நீடித்துள்ளது.
புக்கிட் ஜாலில் அரங்கில் திரளவிருக்கும் ரசிகர்களின் போக்குவரத்து தேவையை பூர்த்தி செய்யும் வகையில் LRT ரயில் சேவை நேரம் பின்னிரவு ஒரு மணி வரை நீட்டிக்கப்பட்டுள்ளதாக Prasarana Malaysia Berhad வெளியிட்டுள்ள ஓர் அறிக்கையில் தெரிவித்துள்ளது.
