சிறந்த கல்வித் தகுதி இருக்கக்கூடிய அரசியல் தலைவர்களால் மட்டுமே எதிர்காலத்தில் மக்களுக்கு சிறந்த சேவையை வழங்க முடியும் என்று Sungai Bakap இடைத்தேர்தலில் போட்டியிடும் Pakatan Harapan கட்சியின் வேட்பாளர் Joohari Ariffin தெரிவித்தார்.
ஒரு சிறந்த அரசியல் தலைவருக்கு நல்ல குணமும் அறிவாற்றலும் பிரதான ஒன்று என்றார் Joohari Ariffin.
அது இல்லையென்றால், மக்களின் சேவைகளையும் அவர்களின் தேவைகளையும் பூர்த்தி செய்ய முடியாது என்றார் அவர்.
வரும் ஜூலை 6 ஆம் தேதி நடைபெறவிருக்கும் பினாங்கு Sungai Bakap சட்டமன்றத் தொகுதி இடைத்தேர்தலில் Perikatan Nasional சார்பில் போட்டியிடும் Pas கட்சியை சேர்ந்த Abidin Ismail - ளுக்கு போதுமான கல்வித் தகுதி இல்லாவிட்டாலும் மக்களுக்கு சிறப்பான சேவையை வழங்கக்கூடிய ஆற்றலையும், திறமையையும் அவர் கொண்டிருக்கிறார் என்று Kedah மந்திரி பெசாரும், Perikatan Nasional தேர்தல் தலைமை இயக்குநருமான Datuk Seri Muhammad Sanusi Mohammad Nor தெரிவித்த கருத்துக்கு Joohari Ariffin பதிலளித்தார்.








