Nov 21, 2026
Thisaigal NewsYouTube

தெலுக் இந்தான் ஸ்ரீ தண்டாயுதபாணி ஆலய சித்ரா பௌர்ணமி திருவிழா கோலாகலமாக நடைபெற்றது

திசைகள் செய்திப்பிரிவு
Share:
தெலுக் இந்தான் ஸ்ரீ தண்டாயுதபாணி ஆலய சித்ரா பௌர்ணமி திருவிழா கோலாகலமாக நடைபெற்றது

தெலுக் இந்தானில் அமைந்துள்ள ஸ்ரீ தண்டாயுதபாணி ஆலய சித்ரா பௌர்ணமி திருவிழா நேற்று கோலாகலமாக நடைபெற்றது.

100 ஆண்டுகளுக்கும் மேல் மிகவும் பழைமைவாய்ந்த பிரசித்தி பெற்ற ஸ்ரீ தண்டாயுதபாணி சுவாமி ஆலயத்தின் சித்ரா பௌர்ணமி திருவிழாவிற்கு இவ்வாண்டும் நாடு முழுவதிலும் இருந்து ஏராளமான பக்தர்கள் திரண்டனர்.

மலேசிய திருநாட்டில் சித்ரா பௌர்ணமி திருவிழா வெகு விமரிசையாக கொண்டாடப்படும் ஆலயங்களில் ஒன்றாக இது விளங்குகிறது என்பது குறிப்பிட்டத்தக்கது.

அதன் படி, நேற்று விடியற்காலை 4.30 மணி தொடங்கி ஆலய பால்குடம் எடுத்தல் வைபவம் நடைபெற்றது.

அதன் பின்னர், காலை 5.00 மணி தொடங்கி 7.00 மணி வரையில் சுவாமிக்கு பால் அபிஷேகம் நடைபெறறது.

பின்னர் காலை 7.30 மணிக்கு ஸ்ரீ தண்டாயுதபாணி சுவாமிக்கு பூஜைகள் நடைபெற்றன.

அதனைத் தொடர்ந்து, காலை 10.00 மணிக்கு மகா அபிஷேகம், நண்பகல் 12.01 மணிக்கு மகேஸ்வர பூஜையைத் தொடர்ந்து, பிற்பகல் 1.00 மணிக்கு ஆலயத்தின் சார்பில் பக்தர்கள் அனைவருக்கும் அன்னதானம் வழங்கப்பட்டது.

இதனிடையே காலை 7.30 மணி தொடங்கி காவடிகள், பால்குடம் ஏந்தி பக்தர்கள் தங்களது நேர்த்திக்கடனை நிறைவேற்றினர்.

மீண்டும் மாலை 4.00 மணியளவில் ஸ்ரீ தண்டாயுதபாணி சுவாமிக்கு மகா அபிஷேகமும், மாலை 6.30 மணிக்கு சிறப்பு பூஜைகளும் நடைபெற்றன.

பேராக் மாநில உட்பட வெளிமாநிலங்களில் இருந்து வருகை புரிந்திருந்த ஏராளமான பக்தர்களுடன், பேராக் ஆட்சிக் குழு உறுப்பினர் அ. சிவநேசன் , துணைப் பிரதமரின் சிறப்பு அதிகாரி அர்வின் அப்பளசாமி, ம.இ.கா. உதவித் தலைவர் டத்தோ முருகையா உட்பட பலர் கலந்து கொண்டனர்.

இவ்விழா குறித்து அரவிந்த் அப்பளசாமி கூறுகையில், , நாட்டில் பிரசித்திப பெற்ற ஆலயமான தெலுக் இந்தான் தண்டாயுதபாணி ஆலயத்தில் கொண்டாடப்படும் சி்த்ரா பௌர்ணமி விழாவிற்கு மலேசியாவில மட்டும் அல்ல இந்தியா உட்பட பல நாடுகளில் இருந்து பக்தர்கள வருகை அளித்துள்ளது மகிழ்ச்சியை அளிக்கிறது் என்று தெரிவித்தார்.

மேலும், இந்த விழாவை ஆண்டு தோறும் சிறப்பான முறையில் வழி நடத்தி வரும் ஆலய நிர்வாகத்திற்கும் அர்விந்த் தமது நன்றியைத் தெரிவித்துக்கொண்டார்.

இந்த விழாவை ஆண்டு தோறும் சிறப்பான முறையில் வழி நடத்தி வரும் ஆலய நிர்வாகத்திற்கும் தமது நன்றியைத் தெரிவித்துக்கொண்டார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு