நாட்டில் உளவியல் சுகாதாரப் பரிசோதனைக்கு உட்படுத்தப்பட்ட 55 ஆயிரத்து 169 அரசு ஊழியர்கள், மனநலப் பிரச்சினைகள், குறிப்பாக தற்கொலை எண்ணம் உள்ளிட்டவற்றுக்கு அதிக ஆபத்தில் இருப்பது கண்டறியப்பட்டுள்ளது.
அரசுப் பணித்துறை துணை தலைமை இயக்குநர் டாக்டர் முகமட் பஹாரி இஸ்மாயில் இதனைத் தெரிவித்தார்.
இதையடுத்து, அரசு ஊழியர்களின் உளவியல் நலனை வலுப்படுத்துவதுடன், ஆபத்தில் இருப்பவர்களுக்கு ஆரம்ப நிலையிலேயே தலையீடு செய்வது அவசியம் என்றும் அவர் கூறினார்.
மேலும், அரசு ஊழியர்களுக்கான மனநல வழிகாட்டுதலை அரசுப் பணித்துறை உருவாக்கி வருவதாகவும், உளவியல் நலனை விரிவாக மதிப்பிடுவதற்கான அரசு ஊழியர் மகிழ்ச்சி குறியீடு அறிமுகப்படுத்தப்பட உள்ளதாகவும் அவர் தெரிவித்தார்.
PSYCON 2026 மாநாட்டில் 500-க்கும் மேற்பட்டோர் பங்கேற்ற நிலையில், அரசு உளவியல் அதிகாரிகளின் தொழில்முறை திறனை மேம்படுத்தவும் நடவடிக்கைகள் மேற்கொள்ளப்பட்டு வருவதாக பஹாரி கூறினார்.
