நாட்டில் மோசடி மற்றும் போலி அடையாளத்துடன் மேற்கொள்ளப்பட்ட மொத்தம் 101.66 மில்லியன் தொலைபேசி அழைப்புகளை கடந்த பிப்ரவரி முதல் ஆகஸ்ட் மாதம் வரையிலான காலகட்டத்தில் மலேசிய தொடர்பு மற்றும் பல்லூடக ஆணையமான எம்சிஎம்சி, தொலைத்தொடர்பு சேவை நிறுவனங்களுடன் இணைந்து தடுத்துள்ளது.
இது குறித்து தொடர்புத்துறை துணை அமைச்சர் தியோ நீ சிங் கூறுகையில், இந்த நடவடிக்கை ஆண்டின் தொடக்கத்தில் அறிமுகப்படுத்தப்பட்ட தொலைத்தொடர்பு நிறுவனங்களுக்கு இடையிலான போலி அழைப்புத் தடுப்பு அமைப்பு திட்டத்தின் மூலம் மேற்கொள்ளப்பட்டதாகத் தெரிவித்துள்ளார்.
மேலும், வெளிநாடுகளில் உள்ள மோசடியாளர்கள், மலேசியத் தொலைத்தொடர்பு நிறுவனங்களின் உள்ளூர் எண்களைப் போன்று தொலைபேசி எண்ணை காட்டும் மோசடி அமைப்பு முறையைப் பயன்படுத்தி பொதுமக்களை ஏமாற்றுவதாகவும் அவர் குறிப்பிட்டுள்ளார்.
இந்நிலையில், கடந்த பிப்ரவரி முதல் ஆகஸ்ட் மாதம் வரையில், 101.66 மில்லியன் போலி அழைப்புகள் தடுக்கப்பட்டிருப்பது, இந்தத் திட்டம் மோசடி அழைப்புகளை கட்டுப்படுத்துவதில் பயனுள்ளதாக இருப்பதை காட்டுவதாகவும் தியோ நோ சிங் விளக்கமளித்துள்ளார்.
