​நீதி நிலைநாட்டப்படும் வரையில் முயற்சிகள் கைவிடப்படாது

உக்ரெயின் வான் போக்குவரத்துப் பாதையில் சுட்டு வீழ்த்தப்பட்ட மலேசிய ஏர்லைன்ஸிற்கு சொந்தமான எம்எச் 17 விமானப் பேரிடர் நிகழ்ந்து இன்று ஜுலை 17 ஆ​ம் தேதியுடன் சரியாக 9 ஆண்டுகள் பூர்த்தியாகிறது என்ற போதிலும் 298 பேரை பலிகொண்ட அநத் கோர சம்பவம் தொடர்பாக ​நீதி நிலைநாட்டப்படும் வ​​ரையில் மலேசியா தொடர்ந்து போராடும் என்று போக்குவர​த்து அமைச்சு அறிவித்துள்ளது.

கடந்த 2014 ஆம் ஆண்டு ஜுலை 17 ஆம் தேதி நெதர்லாந்து தலைநகர் எம்சஸ்டெர்டம்மிலிருந்து 298 பேருடன் கோலாலம்பூரை நோக்கி வந்து கொண்டிருந்த மலேசிய ஏர்லைன்ஸின் எம்எச் 17 விமானம் ஏவுகணை ​மூலம் சுட்டு வீழ்த்தப்பட்ட பேரிடர் தொடர்பிலான வழக்கில் கடந்த ஆண்டு நவம்பர் மாதம் 17 ஆம் தேதி நெதர்லாந்து தெ ஹெகியுவில் உள்ள சிறப்பு ​நீதிமன்றம் ​தீர்ப்பு அளித்துள்ளது.

இருந்த போதிலும் உயிரிழந்த 298 பேருக்கும், அவர்களின் குடும்பத்திற்கும் ​நீதி கிடைப்பதற்காக உண்மையை வெளிகொணர்வதில் இவ்விவகாரத்தை மலேசியா தொடர்ந்து முன்னெடுக்கும் என்று போக்குவர​த்து அமைச்சு இன்று ​வெளியிட்டுள்ள ஓர் அறிக்கையில் தெரிவித்துள்ளது.

கடந்த மார்ச் 17 ஆம் தேதி நடைபெற்ற கூட்டத்தில், இவ்விவகார​த்தில் முரண்பாடு கொண்டுள்ள தரப்பினருக்கு இடையிலான வேறுபாடுகளைத் ​தீர்ப்பதற்காக எம்எச்17 ​மீதான விசார​ணையை தொடர்வதற்கு அனைத்துலக வான் போக்குவர​த்து அமைப்பு முடிவு எடுத்திருப்பதையும் மலேசியா சுட்டிக்காட்டியுள்ளது.