பினாங்கு பாலத்தில் இன்று அதிகாலை பிறை நோக்கிச் செல்லும் வழியில் இரு கார்கள் மோதிய விபத்தில், 45 வயது பெண் ஒருவர் படுகாயமடைந்தார்.
இவ்விபத்து குறித்து அதிகாலை 3.49 மணிக்கு அவசர அழைப்பு கிடைத்ததாக பினாங்கு தீயணைப்பு மற்றும் மீட்புத் துறையின் உதவி செயல்பாட்டு இயக்குநர் ஜோன் சகூன் பிரான்சிஸ் தெரிவித்துள்ளார்.
பாலத்தின் 1.3 கிலோமீட்டர் பகுதியில் விபத்து நிகழ்ந்ததாகத் தகவல் கிடைத்ததையடுத்து, மீட்புக் குழுவினர் அதிகாலை 4.02 மணிக்கு சம்பவ இடத்தை அடைந்தபோது, டொயோட்டா ஹைலெக்ஸ் வாகனத்தின் ஓட்டுநர் இருக்கையில் பெண் ஒருவர் சிக்கியிருந்தார்.
அப்பெண்ணின் தலை, கால்கள் மற்றும் கைகளில் கடுமையான காயங்கள் ஏற்பட்டிருந்த நிலையில் அப்பெண்ணை மீட்ட தீயணைப்பு வீரர்களை அவரை மருத்துவமனைக்கு அனுப்பி வைத்ததாகத் தெரிவிக்கப்பட்டுள்ளது.
