அந்நியத் தொழிலாளர்களின் தங்கும் விடுதி அழிந்தது

பினாங்கு,ஜூலை 27-

பினாங்கு, Nibong Tebal, Jalan Kerian Kedah - Taman Jawi-யில் உள்ள அந்நியத் தொழிலாளர்களுக்கான தங்கும் விடுதி ஒன்று இன்று காலை 11.20 மணியளவில் நிகழ்ந்த தீ விபத்தில் முற்றாக அழிந்தது.

அந்த தங்கும் விடுதியின் கட்டடத்தின் அமைப்பு முறை முழுமையாக சரிந்ததாக பினாங்கு மாநில தீயணைப்பு, மீட்புப்படை இலாகா தெரிவித்தது.

அதில் தங்கியிருந்த 20 க்கும் மேற்பட்ட அந்நியத் தொழிலாளர்கள் வேலைக்கு சென்றிருந்த வேளையில் இத்தீவிபத்து ஏற்பட்டுள்ளது. இதில் யாரம் காயமடையவில்லை என்பது உறுதி செய்யப்பட்டுள்ளதாக அதன் பேச்சாளர் தெரிவித்தார்.