ஸ்கைடிரேக்ஸ் 2026 உலக விமான நிறுவன விருதுகளில், ஆசியாவின் சிறந்த விமான நிறுவன ஊழியர்களுக்கான விருதை மலேசியா ஏர்லைன்ஸ் வென்றுள்ளது.
அதன் கேபின் பணியாளர்கள் உலகின் சிறந்த விமான நிறுவன கேபின் குழு பிரிவில் மூன்றாவது இடத்தைப் பிடித்துள்ளனர். இது கடந்த ஆண்டு எட்டாவது இடத்தில் இருந்த நிலையில், ஐந்து இடங்கள் முன்னேறியதாகும்.
உலகின் சிறந்த விமான நிறுவனங்கள் பட்டியலில் மலேசியா ஏர்லைன்ஸ் 21-ஆவது இடத்தைப் பிடித்துள்ளது. இது கடந்த ஆண்டைவிட ஆறு இடங்கள் முன்னேற்றமாகும்.
மேலும், உலகின் சிறந்த விமான நிலைய சேவை பிரிவில் ஆறாவது இடத்திலிருந்து இரண்டாவது இடத்துக்கும், சிறந்த வர்த்தக வகுப்பு விமான சேவை பிரிவில் முதல் முறையாக 18-ஆவது இடத்துக்கும் முன்னேறியுள்ளது.
உலகின் சிறந்த பொருளாதார வகுப்பு விமான சேவையில் 12-ஆவது இடத்தையும், உலகின் தூய்மையான விமான நிறுவனங்கள் பிரிவில் 11-ஆவது இடத்தையும் மலேசியா ஏர்லைன்ஸ் பெற்றுள்ளது.
