40 ஆயிரம் போ​லீஸ்காரர்கள் பணியில் ஈடுபடுத்தப்படுவர்

அடுத்த மாதம் 12 ஆம் தேதி நடைபெறவிருக்கும் 6 மாநில சட்டமன்றத் தேர்தலை முன்னிட்டு சுமார் 40 ஆயிரம் போ​லீஸ்காரர்கள் பணியில் அமர்த்தப்படுவர் என்று அரச மலேசிய போ​லீஸ் படைத் தலைவர் தான் ஶ்ரீ ரஸாருடின் ஹுசெயின் தெரிவித்துள்ளார். 6 மாநிலங்களில் சிலாங்கூர் மாநிலமே பெரும் பரபரப்புக்குரியதாக கருதப்படுகிறது. அம்மாநிலத்தில் 56 தொகுதிகளிலும் பரபரப்பும், பதற்றமும் இருக்கும் என்று எதிர்பார்க்கப்படுகிறது. ​சட்டமன்றத் தேர்தல் ​சீராகவும், பாதுகாப்பாகவும் நடைபெறுவதை உறுதி செய்வதற்கு போதுமான போ​லீஸ்காரர்களின் எண்ணிக்கையும், பலமும் இருப்பதாக அவர் குறிப்பிட்டுள்ளார். அதேவேளையில் அரசியல்வாதிகள் சர்ச்சைக்குரிய விவகாரங்களைக் கையில் எடுக்க வேண்டாம் என்பதையே தாம் ​மீண்டும் வலியுறுத்த விரும்புவதாக ரஸாருடின் ஹுசெயின் குறிப்பிட்டார்.

அரசியல் கட்சித் தலைவர்கள் உட்பட அனைத்து தரப்பினரின் சமூக வலைத்தளப்பதிவுகள், உரைகள் என அவர்கள் சம்பந்தப்படக்கூடிய அனைத்து நடவடிக்கைகளையும் போ​லீசார் அணுக்கமாக கண்காணித்து வருவதாக ரஸாருடின் ஹுசெயின் விளக்கினார்.