ஈப்போ, ஜூலை.28-
சுமார் 118.87 கிராம் ஹெராயின் போதைப்பொருளைக் கடத்தியதாக ஒரே குடும்பத்தைச் சேர்ந்த ஆறு உடன்பிறப்புகள் மற்றும் அவர்களின் நண்பர் ஒருவருக்கு எதிராக ஈப்போ, மாஜிஸ்திரேட் நீதிமன்றத்தில் இன்று குற்றஞ்சாட்டப்பட்டது.
41 வயது Muhammad Affandi Zulkafli, அவரின் ஐந்து சகோதர்களான 38 வயது Shahrul Azwan, 40 வயது Muhammad Khairul Azmil, 29 வயது Muhammad Amirul, 27 வயது Mohamad Hafizi மற்றும் 35 வயது Mohamad Shah Herman ஆகியோரும், அவர்களின் நண்பரான 43 வயது , Mohd Ismail Borhan என்பவரும் குற்றஞ்சாட்டப்பட்டனர்.
கடந்த ஜூலை 21-ஆம் தேதி இரவு 9:20 மணியளவில், ஈப்போ, Chemor பகுதியிலுள்ள Kampung Che Zainal கிராமத்தில் முகவரியற்ற தற்காலிகக் குடிலில் இந்த எழுவரும் போதைப்பொருளைக் கடத்தியதாகக் குற்றஞ்சாட்டப்பட்டனர்.
குற்றவாளி என்று நிரூபிக்கப்பட்டால் மரணத் தண்டனை அல்லது ஆயுள் தண்டனை விதிக்க வகை செய்யும் 1952 ஆம் ஆண்டு போதைப்பொருள் சட்டத்தின் கீழ் எழுவரும் குற்றச்சாட்டை எதிர்நோக்கியுள்ளனர்.
மாஜிஸ்திரேட் Norizan Riduan. முன்னிலையில் நிறுத்தப்பட்ட இந்த எழுவருக்கு எதிரான குற்றச்சாட்டு, உயர் நீதிமன்ற அதிகார வரம்பிற்கு உட்பட்டதால் இவர்களிடம் எந்தவொரு வாக்குமூலமும் பதிவு செய்யப்படவில்லை.
