ஏர்ஆசியா நிறுவனத்துக்கு அரசு நிதியுதவி வழங்கினால், நியாயமான போட்டியை உறுதிப்படுத்த மற்ற விமான நிறுவனங்களுக்கும் அதே உதவி கிடைக்க வேண்டும் என மலேசியா ஏர்லைன்ஸ் குழுமத்தின் தலைமைச் செயலதிகாரி நசாருடின் பாக்கார் வலியுறுத்தியுள்ளார்.
கோலாலம்பூரில் நடைபெற்ற ஆசிய-பசிபிக் விமான நிறுவனங்கள் சங்கக் கூட்டத்தில் உரையாற்றிய அவர், ஏர்ஆசியாவின் நிதி மற்றும் செயல்பாட்டுச் சிக்கல்கள் மேலும் மோசமடைந்தால், பாதிக்கப்படும் விமான வழித்தடங்களை மலேசியா ஏர்லைன்ஸ் ஏற்று இயக்கத் தயாராக இருப்பதாகத் தெரிவித்தார்.
எனினும், நாடு முழுவதும் விமானப் போக்குவரத்துத் தொடர்பைத் தொடர்ந்து உறுதிப்படுத்த கூடுதல் விமானங்கள் மற்றும் பணியாளர்கள் தேவைப்படுவார்கள் என்றும், பாதுகாப்பான மற்றும் நிதி ரீதியாகச் சாத்தியமான சூழலில் மட்டுமே சேவைகளை விரிவுபடுத்த முடியும் என்றும் அவர் குறிப்பிட்டுள்ளார்.
