விபத்தில் நபரின் துண்டான கை மட்டுமே கண்டறியப்பட்டது

Ipoh, Tanjung Rambutan, Bahagia Ulu Kinta மருத்துவமனைக்கு அருகே கார் ஒன்று தீப்பிடித்து எரிந்தது.

இன்று காலை 11.16 மணியளவில் கிடைக்க பெற்ற புகாரை தொடர்ந்து, தீயணைப்பு வீரர்கள் சம்பவ இடத்திற்கு விரைந்ததாக Tambun தீயணைப்பு, மீட்பு நிலையத்தின் தலைவர் Mohd Jamaluddin Mat Yusop தெரிவித்தார்.

சம்பவ இடத்தில் நபர் ஒருவரின் இடது கை ஒன்று துண்டான நிலையில் கண்டெடுக்கப்பட்டதாகவும் சம்பவ இடத்தில் பாதிக்கப்பட்டவர் எவரும் காணப்படவில்லை என்றும் Mohd Jamaluddin கூறினார்.

இச்சம்பவம் நிகழ்வதற்கு முன்னதாக, அவ்விடத்தில் சண்டை ஏற்பட்டிருப்பதாகவும் சம்பந்தப்பட்ட காரில் தீ வைக்கப்பட்டிருந்ததும் விசாரணையின் மூலம் தெரியவந்ததாக அவர் பதிலளித்தார்.

இவ்விபத்தில் சம்பந்தப்பட்ட Toyota Vios ரக கார் 95 விழு‌க்காடு எரிந்து சாம்பலாகியதாக Mohd Jamaluddin குறிப்பிட்டார்.