அரசு ஊழியர்கள் வேஸ் தடையை முழுமையாகப் பின்பற்றுவர் – பொதுச் சேவைத் துறை நம்பிக்கை

அரசு ஊழியர்கள் வேஸ் வழிகாட்டிச் செயலிக்கான தடையை முழுமையாகப் பின்பற்றுவார்கள் என பொதுச் சேவைத் துறை நம்பிக்கை தெரிவித்துள்ளது.

அரசு ஊழியர்களின் இணக்க விகிதம் இன்னும் கணக்கிடப்படவில்லை என்றாலும், பாதுகாப்பு காரணங்களுக்காக விதிக்கப்பட்டுள்ள இந்தத் தடையை அவர்கள் தீவிரமாகக் கடைப்பிடிப்பார்கள் என பொதுச் சேவைத் துறை தலைமை இயக்குநர் டான் ஶ்ரீ டாக்டர் வான் அஹ்மாட் டாஹ்லான் அப்துல் அஸிஸ் தெரிவித்தார்.

கடந்த அக்டோபர் 21ஆம் தேதி, அரசுத் தகவல்கள் மற்றும் பயனர்களின் தனிப்பட்ட தரவுகளைப் பாதுகாக்கும் நோக்கில் அரசு ஊழியர்கள் வேஸ் செயலியைப் பயன்படுத்தத் தடை விதிக்கப்பட்டது.