டாமான்சாரா டாமாய் பகுதியில் வாளேந்திய கொள்ளையன் நகைக்கடையில் புகுந்து 3 லட்சம் ரிங்கிட்டுக்கும் அதிகமான நகைகளைக் கொள்ளையடித்துச் சென்ற சம்பவத்தின்போது, அருகிலுள்ள கடையில் பணியாற்றிய மூன்று மாதக் கர்ப்பிணிப் பெண் அச்சத்தில் பதுங்கினார்.
40 வயதுடைய யானி என்ற அந்தப் பணியாளர் சம்பவத்தின்போது ஏற்பட்ட கூச்சலைக் கேட்டு கடையின் மேசைக்குப் பின்னால் மறைந்து கொண்டார். கொள்ளையன் வெளியேறிய பின்னரே நகைக்கடை ஊழியர்கள் கூச்சலிட்டதைக் கேட்டதாக அவர் தெரிவித்தார்.
கொள்ளையன் சுமார் இரண்டு முதல் மூன்று அடி நீளமுள்ள சாமுராய் வாள் போன்ற ஆயுதத்துடன் வந்ததாகவும், முகத்தை மறைத்திருந்த அவன் நடந்து சென்றதாகவும் நேரில் பார்த்தவர்கள் கூறினர்.
இதில் 3 லட்சம் ரிங்கிட்டுக்கும் அதிகமான நகைகள் கொள்ளையடிக்கப்பட்டுள்ள நிலையில், போலீசார் கண்காணிப்புக் கேமரா பதிவுகளை ஆய்வு செய்து சந்தேக நபரைத் தேடி வருகின்றனர்.
