அம்பாங், லெம்பா ஜெயா அடுக்குமாடிக் குடியிருப்புப் பகுதியில் மோதல் ஏற்பட்டதாகக் கிடைத்த புகாரைத் தொடர்ந்து, விசாரணைக்கு உதவ 17 பேரை போலீசார் கைது செய்துள்ளனர்.
அதிகாலை 2.07 மணிக்கு அவசர அழைப்பு கிடைத்ததை அடுத்து, போலீஸ் ரோந்துப் பிரிவு சம்பவ இடத்திற்கு விரைந்ததாக அம்பாங் ஜெயா மாவட்ட போலீஸ் தலைவர் அசிஸ்டன் கமிஷனர் கைருல் அனுவார் காலிட் தெரிவித்தார்.
அங்கு மோதல் எதுவும் நடைபெறவில்லை என்றும், ஒரு குழுவினர் மட்டும் கூடியிருந்ததாகவும் அவர் கூறினார்.
கைது செய்யப்பட்ட 17 பேரில் இருவர் இரண்டு நாட்களும், ஏனைய 15 பேர் மூன்று நாட்களும் தடுப்புக் காவலில் வைக்கப்பட்டுள்ளனர். குற்றவியல் சட்டம் பிரிவு 148இன் கீழ் விசாரணை நடைபெறுகிறது.
