மெர்சிங்,ஜன.5
கனத்த மழையினால் ஜோகூர், மெர்சிங்கில் இரு சாலைகளில் வெள்ளம் கரைபுரண்டோடுவதால் அந்த சாலைகள் அனைத்து வகையான வாகனப் போக்குவரத்திற்கும் மூடப்பட்டுள்ளதாக போலீசார் அறிவித்துள்ளனர். மெர்சிங், ஜாலான் கம்போங் ஓராங் அஸ்லி பெத்தா மற்றும் ஜாலான் தெங்காரோ திமூர்- தஞ்சோங் லெமான் ஆகியவையே அந்த இரு சாலைகளாகும் என்று மெர்சிங் மாவட்ட போலீஸ் தலைவர் சுபெரிதென்டன் அப்துல் ரசாக் அப்துல்லா தெரிவித்தார்.
அவ்விரு சாலைகளில் நீரின் மட்டம் 0.15 மீட்டர் வரை உயர்ந்துள்ளது. அச்சாலைகளை பயன்படுத்தவிருப்பவர்கள், மாற்றுச் சாலையாக லாடாங் முத்தியாரா பாலொ வழியாக ஜாலான் கம்போங் ஓரங் அஸ்லி பெத்தா விற்கு செல்ல முடியம் என்று அப்துல் ரசாக் ஆலோசனை கூறினார்.
