பூலாய் நாடாளுமன்றத் தொகுதி காலியானது

உள்நாட்டு வாணிபம் மற்றும் வாழ்க்கைச் செலவினத்துறை அமைச்சர் சலாஹுடின் அயூப் காலமானதைத் தொடர்ந்து அவர் வகித்து வந்த ஜொஹூர்,புலாய் நாடாளுமன்றத் தொகுதி காலியானதாக தேர்தல் ஆணையத்திடம் மக்களவை தெரிவித்துள்ளது. கூட்டரசு அரசிலமைப்புச் சட்டம் 54 ஆவது பிரிவின் கீழ் காலியான புலாய் நாடாளுமன்றத் தொகுதியில் 60 நாட்களுக்குள் தேர்தல் நடத்தி, அத்தொகுதி நிரப்பப்பட வேண்டும் என்று தெரிவிக்கப்பட்டுள்ளதாக மக்களவை சபா நாயகர் ஜொஹாரி அப்துல் தெரிவித்தார். கடந்த ஜுலை 23 ஆம் தேதி ஞாயிற்று​க்கிழமை சலாஹுடின் அயூப் காலமானதைத் தொடர்ந்து பூலாய் தொகுதி காலியாகிவிட்டதாக தேர்தல் ஆணையமான எஸ்பிஆர்ரிடம் இன்று ஜுலை 25 ஆம் தேதி அதிகாரப்பூர்வமாக தெரிவிக்கப்பட்டுள்ளது என்று சபா நாயகர் ஜொஹாரி அப்துல் ஓர் அறிக்கையில் தெரிவித்துள்ளார்.