Nov 21, 2026
Thisaigal NewsYouTube

தைப்பிங் சிறைக் கலவரம் தொடர்பான சுஹாகாம் அறிக்கை அமைச்சரவையில் ஆய்வு செய்யப்படும்: அமைச்சர் ஃபாஹ்மி ஃபாட்சீல் உறுதி

திசைகள் செய்திப்பிரிவு
Share:
தைப்பிங் சிறைக் கலவரம் தொடர்பான சுஹாகாம் அறிக்கை அமைச்சரவையில் ஆய்வு செய்யப்படும்: அமைச்சர் ஃபாஹ்மி ஃபாட்சீல் உறுதி

கோலாலம்பூர், மே.27-

தைப்பிங் சிறைச்சாலை கலவரத்தில் கைதி ஒருவர் உயிரிழந்த சம்பவம் தொடர்பாக, மனித உரிமைகள் ஆணையமான சுஹாகாம் வெளியிட்டுள்ள அறிக்கையை அரசாங்கம் ஆய்வு செய்து, பின்னர் அடுத்தக் கட்ட நடவடிக்கை குறித்து முடிவு செய்யும் என்று அரசாங்கச் செய்தித் தொடர்பாளரும், தொடர்புத்துறை அமைச்சருமான டத்தோ ஃபாஹ்மி ஃபாட்சீல் தெரிவித்துள்ளார்.

இந்த விவகாரம் அமைச்சரவைக் கூட்டத்தில் விவாதிக்கப்படவில்லை என்றாலும் கூட, அந்த அறிக்கையில் கூறப்பட்டுள்ளவைகள் குறித்து அரசாங்கம் கவலை கொண்டுள்ளதாகவும் அவர் குறிப்பிட்டுள்ளார்.

மேலும், வழக்கமாக, சுஹாகாமின் ஆண்டு அறிக்கையானது அமைச்சரவையில் தாக்கல் செய்யப்பட்டு விவாதிக்கப்படும் என்றும், அதன்படி இந்த விவகாரத்தையும் அரசாங்கம் விரைவில் ஆய்வு செய்யும் என்றும் ஃபாஹ்மி ஃபாட்சீல் உறுதியளித்துள்ளார்.

கடந்த ஆண்டு, ஜனவரி 17 ஆம் தேதி, தைப்பிங் சிறைச்சாலையில் Hall B இலிருந்து Block E-க்கு கைதிகளை இடமாற்றம் செய்யும் நடவடிக்கையின் போது, சுமார் 60 சிறை அதிகாரிகள், 100-க்கும் மேற்பட்ட கைதிகளைக் கடுமையாகத் தாக்கியதாக, சுஹாகாம் அறிக்கையில் கூறப்பட்டுள்ளது.

இச்சம்பவத்தில் ஏற்பட்ட கடுமையானத் தாக்குதல் காரணமாக Gan Chin Eng என்ற கைதி உயிரிழந்தார்.

Gan Chin Eng மரணம் தொடர்பாக சிறை அதிகாரி ஒருவர் மீது கொலை குற்றச்சாட்டு பதிவுச் செய்யப்பட்டுள்ள நிலையில், சம்பவத்தில் தொடர்புடைய மற்ற அதிகாரிகள் மீதும் குற்றவியல் சட்டத்தின் படி நடவடிக்கை எடுக்க வேண்டும் என்று சுஹாகாம் தனது பொது விசாரணைக்குப் பின்னர் வலியுறுத்தியுள்ளது.

இது தொடர்பாக, இலக்கவியல் அமைச்சர் கோபிந்த் சிங் டியோவும், தேசிய போலீஸ் படைத் தலைவர் மற்றும் தேசிய சட்டத்துறைத் தலைவரிடம் விளக்கம் கோரியுள்ளார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
சீனாவுடனான வர்த்தக உறவின் எதிரொலி: மலேசிய நிறுவனங்கள் அனைத்துலக விநியோகச் சங்கிலியில்  இணைய வாய்ப்பு

சீனாவுடனான வர்த்தக உறவின் எதிரொலி: மலேசிய நிறுவனங்கள் அனைத்துலக விநியோகச் சங்கிலியில் இணைய வாய்ப்பு

இந்திய சமூகத்தினருக்கான தொழில்முனைவோர் வாய்ப்புகள் தொடர்ந்து விரிவுபடுத்தப்படும் – அமைச்சர் ரமணன் உறுதி

இந்திய சமூகத்தினருக்கான தொழில்முனைவோர் வாய்ப்புகள் தொடர்ந்து விரிவுபடுத்தப்படும் – அமைச்சர் ரமணன் உறுதி

பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை