மருத்துவமனையிலிருந்து கைதி தப்பினார், வேட்டை தொடர்கிறது

பினாங்கு, சுங்ஙை பாகாப் மரு​த்துவமனையில் சிகிச்சைப்பெற்று வந்த கைதி ஒருவர்,மிக லாவகமாக தப்பிச்சென்றுள்ளார். நேற்று பிற்பகல் 3.56 மணியளவில் நிகழ்ந்த இச்சம்பவத்தைத் தொடர்ந்து சம்பந்தப்பட்ட கைதியை ​தேடும் நடவடிக்கையை போ​லீசார் முழு வீச்சி​ல் முடுக்கியுள்ளதாக செபராங் பிறை செலத்தான் மாவட்ட போ​லீஸ் தலைவர் இங் ஆ தியாம் தெரிவித்தார். நோர்டின் அஹ்மாட் என்று அடையாளம் கூறப்பட்ட 54 வயதுடைய அந்த கைதி, காசநோய் தொடர்பான சிகிச்சைக்கு சுங்ஙை பாகாப் மருத்துவமனையில் தனிமைப்படுத்தப்பட்டு இருந்தா​ர். டி சட்டை மற்றும் காற்சட்டை மட்​டுமே அணி​ந்திருந்த அந்த கைதியை பிடிப்பதற்கு போலீசார் ஓபி துதோப் எனும் தேடுதல் ​வேட்டையை தொடங்கியிருப்பதாக இங் ஆ தியாம் குறிப்பிட்டார்.