சிலாங்கூர் இளவரசரின் பாதுகாவலர் எனப் போலியாக நடித்து, சொத்து மற்றும் சொகுசுக் கார் வாங்கித் தருவதாகக் கூறி பெண் மருத்துவரிடம் ஒரு லட்சத்து 55 ஆயிரம் ரிங்கிட் மோசடி செய்த அல் ஸுல்ஃபட்லி அலியாஸ் என்பவருக்கு இரண்டு ஆண்டுகள் சிறைத்தண்டனையும் நான்கு பிரம்படிகளும் விதிக்கப்பட்டுள்ளன.
40 வயதான அவருக்கு, கோலாலம்பூர் செஷன்ஸ் நீதிமன்ற நீதிபதி நோர்மா இஸ்மாயில் இந்தத் தண்டனையை விதித்தார். நான்கு மோசடிக் குற்றச்சாட்டுகளையும் அவர் ஒப்புக் கொண்டார்.
இதற்கிடையில், இந்த மோசடியில் தொடர்புடைய அவரது வருங்கால மனைவி நூருல் நூர் ஷாஹிரா கமாருடின் குற்றச்சாட்டை மறுத்து வழக்கை எதிர்கொள்கிறார்.
மற்றொரு நில மோசடி வழக்கிலும் அல் ஸுல்ஃபட்லிக்கு ஓராண்டு சிறைத்தண்டனையும் இரண்டு பிரம்படிகளும் நேற்று விதிக்கப்பட்டன.








