மலேசியாவில் ஆண்டு இறுதி பருவமழையின் போது, நாடு முழுவதும் 1,643 மலைச்சரிவுகளில் நிலச்சரிவு ஏற்பட அதிக ஆபத்து இருப்பதாக துணைப் பொதுப்பணித்துறை அமைச்சர் டத்தோ ஶ்ரீ அஹ்மாட் மஸ்லான் தெரிவித்துள்ளார்.
பொதுப்பணித்துறையின் கண்காணிப்பில் உள்ள 34 ஆயிரத்து 544 மலைச்சரிவுகளில், 4.8 விழுக்காடு மலைச்சரிவுகள் அதிக ஆபத்தான நிலையில் இருப்பதாகவும் அவர் குறிப்பிட்டுள்ளார்.
அவற்றில் குறிப்பாக, சிம்பாங் பூலாய் - கேமரன் ஹைலண்ட்ஸ் சாலைப் பகுதி மிகவும் ஆபத்தான இடமாக அடையாளம் காணப்பட்டுள்ளது.
அப்பகுதியில் தற்போது சீரமைப்புப் பணிகள் நடைபெற்று வருவதாகவும், சிசிடிவி கேமராக்கள் மூலம் நிலைமையை நேரடியாகக் கண்காணித்து வருவதாகவும் அஹ்மாட் மஸ்லான் தெரிவித்துள்ளார்.








