பினாங்கு, பாலிக் புலாவ், கம்போங் கெந்திங்-ங்கிலுள்ள ஜாலான் புக்கிட் லாமா சாலையில், அனுமதிக்கப்படாத இடத்தில் U-TURN செய்ததால் தொழிற்சாலை வேன் ஓட்டுநர் விபத்தில் சிக்கினார்.
இன்று அதிகாலையில் நிகழ்ந்த அந்த விபத்தில், தொழிற்சாலை பேருந்தை மோதிய அவர், ஓட்டுநர் இருக்கையில் சிக்குண்டார். அதேவழியில், வந்துக்கொண்டிருந்த மோட்டார்சைக்கிளோட்டி வேறு வழிகளின்றி, அந்த வேனை மோதினார்.
இன்று அதிகாலை மணி 5.44 அளவில் தகவல் கிடைத்து, சம்பவ இடத்திற்கு விரைந்த SERI BALIK PULAU தீயணைப்பு மீட்பு படையினர், சிறப்பு உபகரணங்களை பயன்படுத்தி, வேனிலிருந்து அவ்வாடவரை வெளியே கொண்டு வந்தனர்.
சிராய்ப்பு காயங்களுக்கு இலக்காகியிருந்த மோட்டார்சைக்கிளோட்டியும் வேன் ஓட்டுநரும், பின்னர் பினாங்கு மருத்துவமனைக்கு கொண்டு செல்லப்பட்டனர்.
