டிஏபி ஓர் இனவாதக் கட்சி என்று கூறப்படுவதை பெந்தோங் எம்.பி. யங் ஷெஃபுரா ஓத்மான் மறுத்துள்ளார். அதேவேளையில் டிஏபி, இஸ்லாத்திற்கு எதிரான இனத்துவேஷ கட்சி அல்ல என்பதையும் அந்த இளம் நாடாளுமன்ற உறுப்பினர் தெளிவுபடுத்தினார்.
கடந்த பத்து ஆண்டு காலமாக டிஏபி யில் ஓர் உறுப்பினராக இருக்கும் தாம், எந்த சமயத்திலும் அது ஓர் இனவாதக் கட்சியைப் போல் செயல்பட்டது கிடையாது என்பதற்கு தாமே ஓர் உதராணமாகும் என்று யங் ஷெஃபுரா தெரிவித்தார். இஸ்லாம் ஓர் அதிகாரத்துவ சமயம் என்ற முறையில் அதன் மாண்பை டிஏபி எப்போழுதுமே மதித்து வந்துள்ளது.
தாம் சார்ந்துள்ள சமயத்தையும், இனத்தையும் இழிவுப்படுத்தக்கூடிய கட்சியாக டிஏபி இருக்குமானால் அதனை கண்டு தாமே சகித்துக்கொள்ள முடியாது என்ற திரெங்கானு, கெமாமான் நாடாளுமன்றத் தொகுதி இடைத் தேர்தலில் உரையாற்றுகையில் யங் ஷஃபுரா இதனை தெரிவித்தார்.
