குழந்தை பிறந்த பிறகு தாயையும் குழந்தையையும் கவனித்துக் கொள்ளும் வகையில், கணவன், மனைவி இருவரும் மகப்பேறு விடுப்பைப் பகிர்ந்து கொள்ள அனுமதிக்கும் முன்மொழிவை ஆராயத் தயாராக இருப்பதாக மகளிர், குடும்ப, சமூக மேம்பாட்டுத்துறை அமைச்சர் டத்தோ ஸ்ரீ நான்சி ஷுக்ரி தெரிவித்துள்ளார்.
2027ஆம் ஆண்டு வரவு செலவுத் திட்ட விவாதத்திற்குப் பதிலளித்து நாடாளுமன்றத்தில் பேசிய அவர், குடும்பத்தினர் ஒன்றாக அதிக நேரம் செலவிட உதவும் இந்த யோசனை வரவேற்கத்தக்கது என்றார்.
இந்த முன்மொழிவை அம்பாங் நாடாளுமன்ற உறுப்பினர் ரோட்ஸியா இஸ்மாயில் முன்வைத்தார். குழந்தைக்கு மஞ்சள் காமாலை போன்ற பாதிப்புகள் ஏற்படும்போது, பெற்றோர் இருவரும் மாறி மாறிக் கவனித்துக் கொள்ள இது உதவும் என அவர் விளக்கினார்.
தற்போது, தீபகற்ப மலேசியா மற்றும் லாபுவானில் பெண்களுக்கு 98 நாட்கள் மகப்பேறு விடுப்பும், தகுதியுள்ள ஆண்களுக்கு ஏழு நாட்கள் ஊதியத்துடன் கூடிய தந்தைவழி விடுப்பும் வழங்கப்படுகிறது.
