கோலாலம்பூர் மாநகர் மன்றமான DBKL முன்னாள் மூத்த துணை இயக்குநர் 64 வயது சபுதின் முகமட் சல்லே லஞ்ச ஊழல் வழக்கில் தனக்கு விதிக்கப்பட்ட தண்டனையை எதிர்த்து செய்து கொண்ட மேல்முறையீட்டு மனுவை புத்ராஜெயா, அப்பீல் நீதிமன்றம் தள்ளுபடி செய்தது. இதனைத் தொடர்ந்து, அவர் தனது 4 ஆண்டு சிறைத் தண்டனையை அனுபவிக்க இன்று சிறைக்கு அனுப்பப்பட்டார்.
துணை ஒப்பந்ததாரர் ஒருவருக்கு வேலை அனுமதி வழங்கியதற்காக 2 லட்சம் ரிங்கிட் 0 லஞ்சம் பெற்றதாக அவர் மீது குற்றம் சுமத்தப்பட்டது.
இந்த வழக்கில் அவருக்கு விதிக்கப்பட்ட 4 ஆண்டு சிறைத் தண்டனை மற்றும் 10 லட்சம் ரிங்கிட் அபராதத்தையும் நீதிபதி நூரின் பாதருடின் தலைமையிலான மூவர் அடங்கிய நீதிபதிகள் குழு உறுதி செய்தது.
