உலகளாவிய சொகுசுக் கப்பல் ஒன்றில் ஹண்டாவைரஸ் தொற்று பரவியதாக வெளியான அனைத்துலக அறிக்கைகளைத் தொடர்ந்து, மலேசியாவின் பினாங்கு ஸ்வெட்டன்ஹாம் பியர் கப்பல் முனையத்தில் சுகாதாரக் கண்காணிப்பு நடவடிக்கைகள் மிகக் கடுமையாக தீவிரப்படுத்தப்பட்டுள்ளன.
மலேசியாவில் இதுவரை இந்த வைரஸ் பாதிப்புகள் எதுவும் பதிவாகவில்லை என்றாலும், பயணிகள், ஊழியர்கள் மற்றும் பொதுமக்களின் பாதுகாப்பை உறுதி செய்ய பினாங்கு துறைமுக ஆணையம் இந்த முன்னெச்சரிக்கை நடவடிக்கையை எடுத்துள்ளது அனைத்துலக சுகாதார விதிகளின்படி, சுகாதாரம் மற்றும் கால்நடை மருத்துவத் துறைகளுடன் இணைந்து கப்பல்களில் கிருமிநாசினி தெளிப்பு மற்றும் எலிகள் மூலமாக பரவும் வைரஸ் கண்காணிப்பு ஆகியவை பலப்படுத்தப்பட்டுள்ளன.
மலேசியா இந்த வைரஸ் அச்சுறுத்தலை எதிர்கொள்ள முழுத் தயார்நிலையில் உள்ளதாக சுகாதார அமைச்சு உறுதி அளித்துள்ளது. காய்ச்சல், தசை வலி அல்லது மூச்சுத் திணறல் போன்ற அறிகுறிகள் உள்ள பயணிகள் உடனடியாக மருத்துவ சிகிச்சை பெறவும், எலிகளின் நடமாட்டம் உள்ள பகுதிகளைத் தவிர்க்கவும் அறிவுறுத்தப்படுகிறார்கள்.
